冇諗過,從來冇諗過陪我家姐過門會發現我家姐以為要住既地方係咁不堪,試問一間滿佈雜物,步步難行,陣陣異味既屋,點可以住人....講真我真係接受唔到...已經要搬入長洲咁遠仲要係垃圾堆生活...唔使咁慘呀...係為左面子要將婚禮搞得好好睇睇搞到冇錢出外租屋,定係真係咁鐘意係垃圾堆中生活,就算係點解要我家姐咁同你捱呀......

心情真係太差喇,仲為左阿爸同阿媽收左擺酒既人情已鬧交,其實我都唔想同倆老嘈,只不過各執一詞,其實好想搵人傾下架,每當心情差就會打俾佢...我相信只有佢先可以幫助我,就算幫唔到佢地會令我開心番,不過自分手後佢一年只會接我一次電話,大多數佢都唔會接聽,不過今次佢有聽到,從電話內傳出熟悉既聲音,但態度就變得好陌生,不過佢每次都好關心我既感情狀況,而我今次講左真心說話俾佢知...唔知佢會唔會同樣有心痛感覺,其實只有佢我先可以放心講哂心內一切唔開心既事,而佢每次都俾時間我去講,去鬧,不過係唔准我喊,佢一聽到我喊就會轉話題令我笑番,其實過左咁多年我真係好真心咁同佢講左對唔住,以往太多任性行為,可能令佢唔開心,一句對唔住真係欠佢,講完後佢竟然同我講我冇欠佢一切,佢好記得佢問過我借錢,其實佢一早還哂,仲問我係味未還俾我,定係又想俾錢我洗....雖然唔知佢邊句真邊句假,我只知佢最清楚我心諗咩...原來到lee刻佢仲肯幫我還錢,仲會擔心我生活....可惜...可惜既係我真係唔知佢諗咩,可能一年一次電話lee種關係對大家係最好既...好想佢怏d結婚生仔,我知佢都係咁諗....可惜我太難搵到個對我咁好,咁了解我既人,可能真係要下一世先會再搵到...唔係想佢內疚,只係我心內既想法,相信再聯絡到就係下一年.....

其實係傾談中,發覺佢仲好記得我鐘意既明星,時物...同埋以往開心回憶,其實忘記到大家唔開心既以往係好事,但好可惜時間唔可以倒轉...可能只有回憶先係最美好....我知你對誠諾同我睇sammi演唱會,會send email俾我係唔會對現,不過果刻已經好開心,多謝您阿傑~

今次煮左豉油王雞翼....真係好好味,第一次煮已經食到個個讚不絕口...

其次我鐘意既就係豆豉夌魚油麥菜,lee款菜以前屋企成日食,不過已經好多年冇食喇.....

薯仔炆排骨都好好味....只不過係賣相冇咁靚~

其實平時係公司已經會蒸魚,炒菜,煲下湯,有時都覺得咁樣食飯真係好warm,雖然係辛苦小小工作之餘仲要煮飯,不過見到食既人開心,我都開心,反之係屋企煮既野,大家都唔會有咩特別感覺,可能大家都覺得應該掛......唉......

將來....一定會再試整唔同既野同大家分享~

講起叮叮車,我都幾享受係晚上車速飛怏涼風飄飄既感覺,係叮叮車上我會注視不同既沿人同店鋪,會發覺好多好多有趣事件...不過係叮叮車上,迫迫地又冇冷氣真係同其他既交通工具好唔同....

lee排聽到身邊既朋友係工作上都會有改變,唔係被炒就係自己轉工,雖然唔係個個都能轉到份人工同環境理想既工,但我覺得係時世不境氣既環境可以搵到份做得開心既工已經好好,仲要搵到份薪高厚職既工真係難上加難...如果俾我再簡,可能....可能我都會唔想辛苦....做野開心,人工夠用已經算數....平淡就平淡啦....老喇太刺激既野十年前就應該做宜家先開始太遲了吧....可能你會話我唔上進,唔努力....但我心知心足就夠喇....起碼我叫試過改變...

由於玩夜場,同人太多關係只能玩得5個game...最長要排成個鐘先有得玩...講驚真係唔及我坐纜車咁驚(可能我畏高),不過我嗌到第日喉都沙埋...真係好刺激呀...哈哈~

今次真係冇一早預計咁入去玩,雖然一行有8人,不過大家都唔係太熟悉所以都係各有各玩多....今次有我同阿妹同我朋友同佢個妹,仲有我另一個朋友同佢既朋友....本身以為我朋友佢會帶同男朋友出席,但估唔到呀男朋友就帶同另一位女性朋友出席....真係場面古怪...不過我一於好小理,入得去玩梗係要玩得開心啦....其實係得第一個game係大家一齊玩之後呀男朋友就同佢另一位女性朋友去另玩另外既....起初我同阿妹都係同男朋友同行既,之後都係唔好阻人拍拖喇..唯有返去join返我既朋友們....不過我個朋友仲唔知情識趣係咁打電話俾呀男朋友,成日問人係邊....好心啦連我阿妹都明人地係被開你,佢仲未明白,雖然我唔知佢同呀男朋友有幾親密,就當日睇佢2個都係好普通既朋友關係...可能係錯覺,可能係小結交朋友,無論如何都希望佢唔好太傷心,做人唔好太自以為事應多聴別人意見...得閒見多d人...

男人最鐘意講過就算,女人應該學識聽完就算...何必當真呀~

男人最鐘意說出美麗謊言,女人應該學識聽謊言...何必認真呀~

男人最鐘意聽教聽話既女人.女人應該學識做個聽教聽話既小鳥~

只要你明白道理,先有資格學人玩遊戲...否則你都係做返個普通人循規蹈矩吧 別心野野....

當然獎罰要分明啦,男人太就又係唔得既,太放鬆佢地又會身痕....要佢乖乖都唔係咁易......

可能我睇得太通喇知道要搵個好男人太難,太難...由我隨遇而安,唔好再迫我喇...就算我係迷失也許都有清醒時候...正所謂****別人笑我太瘋癲,我笑他人看不穿****~~~~~

整裝待發,各人精精神神出發去註冊處,因為預早到註冊處所以大家都有時間影下相....不過果日都幾熱下...一路影相一路出汗....,都幾辛苦~~

第一次見到家姐著婚紗,感覺佢大個女喇....哈哈....不過佢個妝就勁左小小....希望到擺酒果日佢更加靚,更加索啦....今次大家都有采排經驗,到擺酒時候大家應該冇咁緊張,笑得更開心....原來呢讀誓詞既時候真係好緊張架,,,,雖然我只係拍movid都感覺到自己心卜卜跳,何況係2位主角,讀到甩甩卡卡....都幾搞笑既....其實我覺得最可惜既係冇請到攝影機,搞到要自己影相...所以氣氛都差左小小,,,,希望擺酒果日更加更加好....

第一次著one pice,著住對2吋半既鞋成大半日,真係好辛苦呀,終於到換衫既時候,嘩好似解脫一樣....著返波鞋對腳真係好舒服...換左條裙成個人都輕鬆哂....一鬆懈個人就肚餓....去到酒樓食飯更加覺得d野好好食,可能係餓既關係啦.....唔知擺酒果日會點呢,,,應該仲更加辛苦....冇計啦,始終都係開心事....我都會盡心盡力既....

除左咖啡另一樣令我上癮既就係零食...lee樣野我真係點戒都戒唔到,因為冇任何野可以代替佢,係我做野好攰好攰既時侯,最享受既係可以靜靜地食零食既時刻,係心情唔好零食更加可以係主角,不過零食既癮俾咖啡細...一個月食一次倆次已經足夠....

年紀大喇,睇既野都唔同喇,以前會覺得自己仲後生有本錢,食得太多唔健康既食物,係時候要節制下,唔係三十未到俾人以為係師奶幾唔好呢....lee排日日收工經過中環都見到有人影婚紛相,比著前幾年既我,我會好羨慕,但宜家開始有點反感,同見到bb一樣,以前我都會好似同事嗡會好主動同bb玩,仲會玩得好開心,宜家開始對bb有反感,尤其係bb喊聲.......唔通我對結婚,bb有恐懼症...

記得試左4樣食品,第1樣係佢地既炸包包條,感覺似油炸鬼同煎對既mix版, 第2樣係咖哩薯仔味道都幾辣,第3樣係炒苦瓜味道係勁苦...最後係蘿白炆雞味道竟然係大陸成日食到既蘇蘇香草味....可能我食開淡味,太濃味我都係唔多岩食...但同事話已經就我地辣已經係小辣,苦更加係唔覺苦,真係對唔住我本身已經夠苦,所以唔食苦瓜..哈哈~

不過lee排福食有蒸魚,冬菇蒸雞,豉汁蒸排骨,青紅蘿蔔湯,花生雞腳湯,冬瓜排骨湯,始終都係中國野岩食d亦估唔到我既尼泊爾同事都好鐘意食中國野....

 

流沙奶黃包同芒果黑糯米甜品,其實味道都ok係感覺差小小啦,我叫佢a貨啦因為整得幾似架喇~

依然咁滑既口水雞走辣版同雞油浸菜,味道都唔錯~

有蛋香既蔥油餅真係好正,變細版鍋貼都可以

擔擔麵真係好好味可惜變左bb版,係超市見到三水妹,買左返嚟哈哈~

唔記得上次係幾時食過lee間川菜,只記得好好味同好平,今次決定再返深圳再去探訪,得返嚟既結果係預計唔到~

今次返去一心係為左家姐婚禮作準備,,,及順便去食多次lee間川菜,買野都好順利係3個鐘內已經買到所需要既野,因為時間問題我地點到已經前往食川菜既附近,因為唔熟路,我地沿地鐵站經過商場再過去,真係天有不測之風雲,行商場既時候突然傍陀大雨....好似黑雨咁大雨,本身諗住搭的士去食野既,問路後知道原來好近,咁細雨我地就行過去...可能太大雨喇,水浸既情況就出現,我一對入哂水既腳真係好難形容,雖然行錯左方向最後都唔難搵到,一心抱著其望既心態去食餐好野,回味一下....

一坐底我同阿妹已經入廁所處理下對水鞋,入到廁所竟然見到有個洗衣機,我仲諗e可以整乾對襪,點知唔work既,可能太輕部野feel唔到有野啦,咁算啦,出到去想叫野既時候,我朋友同我講你睇下,間野加哂價,我一睇係wo,以前食都係廿幾至四十幾,宜家加左成陪,但冇計啦都坐底左,又咁辛苦行過嚟貴左都要食架啦,味道上變化唔太,只係份量變化太大,即係又貴又細左...唔怪得星期日既晚市都唔太多人....不過值得一讚既係有現場中樂表演(chiness live band)哈哈...咁岩我叫左菊花茶飲,又叫左菊花魚食,我仲講有菊花台聽呢就原美喇....估唔到食完野真係有菊花台聽...真係俾佢加返分,不過今次應該係最後一次,同類形既太多選擇喇,可惜..真可惜~

原來回憶既事永遠係最好,再尋找出來既答案永遠都再唔一樣~

雖然現在既公司人工唔高,但公司既工作量係同人工係對等既...點解我咁講呢,係有事實既根據,因為唱完通宵k訓得3個鐘照返工,一d問題都冇,又冇做錯過,起初第一個星期已經覺得好舒服,冇咩辛苦既感覺,到第二個星期要調去金鐘發覺仲舒服,因為淨係忙lunch time,一過左3點可以講係悶....仲要可以放星期六,日真係估到估唔到,起初為左快d搵到工先見lee份工,估唔到入到一間好憂遊既工...最令我驚訝既係公司福食,4-6個人食竟然可以有蝦,有蟶子,有湯有糖水...有時會有燒味,有豉油雞,燒鵝,叉燒,分蹄,真係有菜有肉...間中仲有pizza,burger king,真係食到人到癲....唔知之後會唔會再有咁好既福食,其實我已經好心滿意足,仲有公司有唔錯咖啡,我又搵到好飲既咖啡....

講開烈火我最心刻既係王喜想自殺既片段,果一刻令我回憶到.....雖然已經過去喇...不過好打動我,身同感受既情節~可能真係唔係咁多朋友知道,或者相信,我就好似王喜講既一樣,只係一步,就係差一步,果一刻個腦完全冇第樣念頭...只有想放棄...同朋友講返佢地都同樣講你咁硬朗開心,唔似會做傻事既人,講真...我心諗咩有時自己都搞不清楚,何況外人呢,不過回頭再睇,就知係好傻...我永遠會記得當時將我係死亡邊緣接我返嚟既人,亦都好多謝我以前男朋友,唔係佢我永遠唔識長大,唔係佢我唔會學到自立堅強,雖然獨撐係艱辛,但我學識快樂自尋...每當唔遇到唔開心我會食鐘意食既野,聽鐘意聽既歌,遇壓力我會去打boxing出下汗焗下蒸汽浴,每當我想依偎既時間我會試試去搵"你"...知道"你"未必係大家既唯一,但我已經好滿足相處既時候,雖然未知關係可以維繫幾耐,始終我都怕失去所以唔想再問,只知上次見面發覺你有唔捨得既感覺,唔知係好定係唔好...我真係好想有一日你可以堂堂正正咁同大家見面...我再唔想受到我阿媽迫去相睇既壓力.....

無論工作同感情都係,有得選擇比較,先知邊樣先適合自己,原來我係鐘意輕輕鬆鬆冇壓迫感冇壓力既感覺,嘗試做文職發覺自己唔可以坐足一日係一個空間,嘗試識有學識有財力既朋友,發覺同樣都有壓迫感好辛苦....

原來最好已經係身邊,何必再搵....如果lee句說話係佢講既係幾好呢....發返個好夢先~~~~

或者係太耐冇見喇,我一心以為大家已經都有改變,原來我只係個小朋友,容易開心又容易唔開心...其實都係我唔好,又貪心又貪玩....原本我好想同佢講一句"不如不見....."但始終我都冇lee份勇氣,同唔捨得,真係唔捨得一份似有還無既感覺...係我最唔開心既時候,只有佢一個人俾到我安全既感覺我,靜靜的坐係身邊...俾到一個寧靜既被難所我....雖然佢幫唔到我解決問題,但我就係要咁簡單既一份感覺....

唔通真心就真係唔介意一切,其實但我仲未去到果個階段,我亦因為引誘做錯過,有過動搖...我真係好想講出嚟,但我知講左就唔會再有以後,或者佢根本唔介意我做過既野,我何必講出嚟影響大家關係....都係你瞞我瞞好.....咁至開心~

今朝懷著戰戰兢兢既心情上班,9點15分已經到達公司門口,可惜未有人應門,等到9點30分,心內開始有疑問,唔通返錯時間,冇可能架...終於經理返到喇..開門俾我喇......第一日返工冇諗過已經有位坐,無奈新丁咩都唔識只好乖乖好似小朋友坐係位子睇下行程,讀下code...眼見鋪子不大連埋我lee個新丁都係4個人,人小小幾好起碼冇咁多是非,感覺好過見工果間分店,女同事較多,是非也較多....

雖然同其他同事未有很多說話,但應該唔會太難相處...做sales係咁架啦.自己顧自己....如果一開頭已經好熱情我仲驚佢地會不懷好意...眼前最緊要係讀熟d code....唔係真係咩都唔使做~

岩岩知道有同學仔已經放棄了,可能係人工真的太低吧,或者係已搵到合適既工作,也許只有我為個夢,先會唔計較人工,辛苦...因為我信努力係會有回報,雖然係漫長既苦路,起碼我會試....唔好咁快放棄啦...朋友們~~~~~~

今次用朋友係台灣買既手信[梅粉]嚟做lee個jelly,味道幾好,特別夏天食感覺太美妙,聽講梅子粉既用途係點生果,如:西瓜,雪梨或是加入汽水中,但原來用嚟整jelly都十分好味,成本又低做法又易,成功率高~

做法:大菜絲半包約15g,水4杯,黃糖50g(可用砂糖)梅粉4茶匙(可隨意加減)

先將大菜用凍水浸軟,大滾水將大菜煮溶加入糖煮溶熄火後加入梅子炒,再入模雪2-3小時成功~

死心不息之馬豆糕,之前試整紅豆馬豆糕,可惜失敗左,今之再整都係成功80%因為都係較林身,因為有之前整紅豆糕既經驗冇加大菜整而令糕變得粉口,今次加大菜但始終都係唔夠實,睇嚟要再加多小小粉...哈哈,下次再努力啦~

心內一直掙扎,但一直堅信自己一定要試,成功與否未必係好重要,起碼我試過,我冇放棄我自己,一直都想30歲轉行,冇諗過咁快有機會俾我接觸到旅遊lee 行,知道前路漫長,為自己,為將來我會挨,要做出成績,令白眼我既人知道,只有有恆心係真係可以成功,要堅持信念,幾多歲轉行都係可以,挨得過想放棄既心,就會有成功既感動~

由於今次係第一次見旅行社所以見工前已經好緊張,一直練習打字,練習電腦技巧,到面試當日都十分緊張,好彩遇到個好既面試官,都好多謝佢俾個機會我去接觸lee 行,講真如果今次面試我係唔成功既,可能我想放棄既心就真係大過我堅持既心,人工對於我嚟講真係唔太重要,有機會先係最重要,除非真係好唔合適做唔係我諗我都會做一段長時間,因為我想要既係一份遇興趣於工作既工,我知萬事起頭難,希望我能堅持到底,雖然可能要做多份past time先夠生活,但我真係好感激一直支持我既朋友,真心支持對於我真係好緊要,無你地既支持,我唔會有成功既感動,原來夢想成真既感覺真係好激動.....得到lee份工俾起以往既工作真係感覺好唔到,以往係為生活,為唔想俾屋企人煩,就會士旦搵份工,就lee個心態一做就差不多十年飲食,到有一日覺得係時候要改變,不可能一世做飲食,就決心轉型,係lee半年一直都忍耐屋企人既唔支持,活在唔開心既壓力下,真係好辛苦,現在機會已經係我面前我一定會把握~

真係好多謝係我情緒最低落既時候得到既鼓勵,係我最需要搵人傾計既時候你都不厭其煩係到聆聽,真係感受好大......